ربنا عليكم

نعيش في عصر تسخير علماء الامة لخدمة السلطان وحاشيته فيسخروا فتواهم لخدمة الرئيس منها للشيخ سيد طنطاوي المطالبة بجلد الصحفيين وهو صاحب أعلى قدر من الفتاوى التى اثارت الجدل من فوائد البنوك و فتوى حجاب فرنسا وخلافه ولم ننتهي بعد من الفتاوى الطنطاوية حتى يخرج علينا مفتى الجمهورية بفتوى غرق الشباب على شواطىء إيطاليا انهم طماعين وليسوا شهداء ويستهلوا الا حصل لهم وكويس انهم غرقوا واستريحنا منهم شر البالية مايضحك ويعلم الله وانا اكتب هذه التدوينة ابكي بكاء مريرا على حالنا والا بيحصل لنا من هؤلاء العلماء الا المفروض انهم لسان الدين وليس لسان الحكومة ولكن من كثرة الرغد الا هما عايشين فيه و السيارات الا بيركبوها الفارهة والكاميرات والغرف المكيفة نسوا ومش حاسين بالشعب ولا بالشباب الا رايح يموت ده راح يموت ليه اقولك بقى خاصة لي تجربة في هذا الامر رايح يموت واستوى عنده الموت والحياة بفضل الحكومة المباركة التى يعيش تحت ظلها ويأكل من خيراتها المسرطنة الاامرضت غالبية الشعب سافر ليموت لكي يستطيع يشترى لابوه وامه العلاج حتى لايموتوتوا امام عينه وهو عاجز انه يشترى لهم الدواء بدون احد يسأل عنهم وعن مرضهم راح يموت عشان ياكل ولاده وزوجته والا يلاحظ يلاقي هؤلاء الشباب منهم أعمارهم لاربعين سنة مش عشرين بس رايح يموت عشان عنده كوم لحم رايح يموت عشان يعرف يجوز بناته ويسترهم راح يموت عشان مش لاقي ياكل في بلده راح يموت عشان مش حاسس بكرامه في بلده مهان محاصر مطارد غير آمن على نفسه ولا على اهله ولاعلى عرضه والشواهد كتيره ومش لازم نذكركم بها لانه من كتر التكرار الواحد قرف

تخيلواشاب شاف الموت بعينه اكثر من خمس مرات وبيحاول كمان ومصر يا اما يعدي ويعيش حياة البنى أدميين أوم يغرق ياريت نسال نفسنانفسية هذا الشاب ايه الا جواه من ناحية وطنه واصراره على المغامرة بحياته اكيد استوى عنده الموت والحياة على أرض وطنه بل فضل انه يموت بره بلده كمان

ويرجع يقولك طماعين ومعاهم فلوس لا يعلم مقتي الديار انهم الا سالف والا بايع كل ما يملك ولا كاتب على نفسه شيكات لغاية ماربنايفرجها عليه ولا بايع هدومة وهدوم عياله اقول ايه ولا ايه

ليه ما بنسمعشي صوتكم الا ضد الغلابه ليه مسمعناشي صوتكم في الناس الا خربوا البلد ليه ماسمعناشي صوتكم عن إحتكار الحديد ولا الناس الا غرقوا في العبارة ولا استيراد المواد المسرطنةولالالالالا!!!!!!1 ليه انتم علينا مش معنا لا أقول سامحكم الله