إفطار خلف جبال أوربا- أول أيام رمضان

في الطريق

إذن هو رمضان جديد عن أعوام سابقة, هو رمضان أوربي تفتقد فيه الكثير من المظاهر والمشاعر

عما تعودت عليه , الناس, الشوارع غير حتى المناخ مختلف

عليك أن تصنع عالم جديد بيدك أنت فقط مجتمع تصنع ما تحب وتبتعد عن ما تكره لو استطعت وان كان كثير مما تحبه أصبح الان غير ممكن

إنه موعد الافطار

إفطار لاتعرفه إلا بالساعة أو بالبرنامج الموجود على اللاب أو الهاتف

رمضان بدون زينة في الشوراع أو البيوت رمضان بدون قران ينبعث من مأذنة المسجد أعلى مكان في القرية قبل الإفطار ولا حديث الشعراوي ولا تواشيح طوبار ولا النقشبندي ولا مخلل و عصير التمر هندي ولا العرق بتاع الكابتن محمدولا قعدة على الاوبرج بعد القيام ثم شراء علبة فول للسحور من عمر , ولا التمشية بين الخضرة والشمس تغرب خلف الأشجار الكثيفةوطيور مختلفة تعود لعشها مسبحه بحمد الله قبيل الافطار

إفطار ثقيل

كل مرة أجاهد نفسي لكي لا أثقل في الإفطار ولكن كل المحاولات مصيرها الفشل, وعلي أن تتحمل ما وصل له وزني الان أصبحت فوق المائة بعشرة كيلو جرام ,ويمازحك أحدهم بعد صلاة المغرب يارب لما أرن عليك تكون خلصت إفطار لنلحق الشعاء

لن تتسلل مرة أخرى من القرية إلى المدينة ومنها لتعبر فرع النيل لمدينة أخرى تصلي العشاء والتراويح خلف إمام ذو صوت شجي بخشوع ودموع

به تسمع القران وتعيش معه وتنسى ثقل الجسد لان الخشوع كفيل بأن ترفرف روحك مع كل آية لو رزقك الله الفهم والتدبر

صناعة السعاادة

السعادة ممنوحة ونعمه من الله لجميع خلقة الغني والفقير الصغير والكبير ولكن بيد الانسان فقط ممكن تناولها ويعيشها في الظروف الطاحنة من وجهة نظرأي إنسان , وتكون قريبة جدا منه ولكن للأسف نغفل عنها ونبحث عن أشياء أخرى نعتقد أنها هي السعادة

اصنع من الليمون شرابا حلواً

هتصلي التراويح فين السنة دية

فاليوم يا مولاي عدت

مش حاسس بالأمان.... تعبان ...... زهقان ...... حاسس إنك مخنوق ......عايز تشكي ...........عايزتبكي....... حتى تغسل قلبك وعينك ..... عايز تبدأ من جديد ...... صفحة بيضاء نقية........ جياة جديدة

عايز تهرب من كل هذه المادة الطاغية... تعبت خلاص

تصرخ بعلو صوتك ولا أحد يسمعك

........ كل في دنياه ......... مش لاقي حد تشكو له همك

......... حاسس إنك تايه في الدنيا

تعبت خلاص وعايز ترتاح

حاسس إن قلبك تجمد ..... ضربات قلبك توقفت ... حاسس إنك لا تستيطع الحركة من كثرة الذنوب والمعاصي

و هموم الدنيا

حاسس إنك ضللت الطريق

إذن توضأ وأخلص نيتك وتوجه إليه ..... ينتظرك في كل وقت ......... يسمعك ......... يراك إرتمي في بحر عفوه وكرمه ..... احتمي بحماه .... اسجد واقترب .... ادعوه فيستجيب... رحيم غفور..... رحمته وسعت كل شىء .... لا يخيب الظن ....... لا يرد سائل ولا محتاج ........رغم الذنوب.... والبعد ..... والنكران ...... والنسيان ..... والحجود

قريب منك ...........يسمع السر وأخفى .......كرمه ليس له مثيل.... جوده عظيم ..........غفور رحيم.... سميع بصير

فقط توجه إليه وتوكل عليه ......إرفع يديك نادي عليه

يا ربي

أنا عبدك الفقير الذليل

ليس لي أحد سواك

يتسحي أن يردك خائب

يعفو ويصفح عنك

يرحمك

يمحو ذنوبك

ألا تعلم أنه الكريم الحليم

يذكرك وتنساه

يسترك ولا ترعاه

يغفر ذنوبك ولو كزبد البحر

فقط إذهب إليه

ألا تعلم أنه الرب الرحــــيم

عش غراب ولا عش بنى آدميين

بلطجة أمريكاني

شركةطيران أمريكية عايزة تبلطج على المطار في النمسا , عليها ديون حوالي 600 ألف يور بس, ومش عايزين يدفعوا الفلوس إلا عليهم, فما كان من النمساوين وطبعاً لمعرفتهم الجدية بالأمريكان عشان ياخدوا حقهم , قالوا على جميع الطائرات الموجودة بأرض المطار الدخول للجراج لان في شخصية سياسية مهمة جاية المطار, وفعلاً كل طائرات الشركات دخلت الجراج بما فيهم طائرات الشركة الأمريكية.
ولما النمساوين اطمنو ان كله تمام قفلوا الباب على الطائرات الأمريكية, و قالو ا اما تدفعوا إلا عليكم بقى نبقى نفرج عن الطائرات بتاعتكم , وأعطوهم مهلة يومين للدفع أو بيع جميع الطائرات في مزاد علني .
وكمان مش كفاية , ده لعبوها صح, عشان يعلموا الأمريكان درس وما يلعبوش بديلهم تاني , عملوا الحركة يوم الجمعة لإن السبت والأحد أجازة هنا والناس كلها بتسافر وحاجزة في أيام الأجازة بين دول الإتحاد الأوربي , يبقى كده الأمريكان هيدفعوا للناس غرامه لا تقل عن ملايين اليورو + وهيدفعوا غصبا عنهم الديون لإن الطائرة الواحدة تساوي فوق المليون يورو,
وكأن لسان حالهم بيقول إنتم مفكرينا إنكم هتعملو ا فينا زي ما بتعرفوا في العرب؟ تحتلوا أرضهم وتنهبوا بترولهم وثروتهم وتدوهم على قفاهم .... لا اصحـــــوا ومش كل الطير إلإ يتاكل لحمه ..... وكل قفا وأنتم طيبين

عش

عنوان صحيفة ( مشكلة كبيرة تواجه الشعب النمساوي) فين الشرف فين الأمانة

؟

إيه إلاحصل طيب , اليومين دولة موسم عش الغراب وهو أكلة شعبية هنا , طب وايه المشكلة؟
المشكلة إن لكل مواطن حوالي 2 كيلو ونصف يطلع زي الشاطر لوحده هو وضميره الغابة يجبهم بنفسه , فلقينا إن في نقص ملحوظ وده أول مرة يحدث من الشعب وده يدل إن في بعض الناس أخدوا زيادة عن حقهم المشروع من عش الغراب, والمجتمع كله مشغوله بالموضوع ده إلا حصل لبلدنا وأخلاقنا فين الضمير فين الأمانة والشرف
شوفتوا حاجة تفرس أكتر من كده , إيه الناس دية, وضمير إيه في شوية عش غراب من الغابة, طب يشوفوا عشش المصريين يشوفو الناس إلا واخدين ومستوليين على كل العش بداية من أحمد عز أفندي بتاع الحديد , ولا حسن راتب محتكر الأسمنت ولا ممدوح إسماعيل إلا قتل 1500 بنى آدم في البحر وعايش يتفسح في أوربا ولا حتى وزير الإسكان السابق المتهم بالفساد والرشوة ومتقدم أربعين إستجواب في مجلس الشعب حتى ترفع عنه الحصانة ويقدم للمحاكمة والدولة تعينه في شركة بترول وياخد مرتب مليون ومائتا ألف جنيهاً شهريا شوفتو جمال أكتر من كده , ولا حتى جيمي إلا عايز يمسك البلد وفاكرها عزبة السيد الوالد, ولا حتى المحتكرين الناشئين , إلا محتكرين كل شىء في البلد من أراضي وعقارات ومواد غذائية وسيارات و مصانع ووممنوع منعاً بتاً أن يقترب أحد من اللقمة إلا في إيديهم , وإلا طالته اللعنات وخراب البيوت والسجن أو الإنتحار ( يقتلوه ويقولوا ده إنتحر) !

الطبخة مش جاهزة

كل شىء واضح الآن فطبخة التوريث والإنتقال العلني للسلطة من مبارك الأب إلى الوريث في الطريق أقصد على النار , بس للأسف الطبخة مش مضبوطة وناقصة ملح وشوية بهارات وحاجات تانية كتير ومش هتضبط برضه في الأخر , عرفنا هم بيعملوا في الإخوان كده ليه دلوقتي؟ لإنهم المحرك أو الدينامو إلا ممكن يحرك الشعب.

شباب إيه إلا جمال يكلمهم على الفيس بوك ولا لقاءات وحوارت عبيطة , والعيال الهبلة إلا مفكرين نفسهم معارضة بيسألوه على النت! عايزين منافس معاك نسأله هو كمان؟! وقانون إرهاب إيه وطوارىء؟ , أنتم أساسًا بتسألوه ليه ولا هو حتى بيتكلم بصفة إيــه بالصلاة على النبي

فوازير رمضان على لسان إبراهيم عيسى

ليه النملة مش بترضى تركب الفيل قدمها على العجلة؟

عشان ما يلعبش في الجرس

طب ليه

سندوتشات الكفتة والبطاطس بتجري؟

عشان وجبات سريعة

الأخيرة بقى وخلوا بالكم بقى

ليه القرد سريع؟

عشان القرد في عين أمه غزال

وكل سنة وأنتم طيبين ورمضان كريم

مواقف أوربية

موقف الغرب من الاسلام قديم ومتقلب لكن نحن كعرب ومسلمين لا نحافظ على شىء نحصل عليه في صالحنا لفترة طويلة .
الشعوب الغربية بعض منهم لا يعرف عنا الكثير بصورة صحيحة حتى الان وهذا يرجع لإنشغالهم وقلة إطلاعهم عما يدور في الشرق ( كثير منهم لم يعرف ما حدث في عدوان غزة) الا القليل منهم الحريص على متابعة أخبار الشرق والموضوع غير واضح له بصورة سليمة .الجميع هدف للإعلام الصهيوني فقاموا بعمل غسيل مخ لهم بأن المسلمين والعرب إرهابيون ..................... رجعيون متخلفون ينظرون للغرب أنهم كفار وليس لهم عهد ولا ذمة,
وبالطبع زادت النظرة السلبية للمسلمين بعد أحدث أيلول ,اليهود حاولوا تغييرنظرة كل العالم للمسلمين والإسلام ويضعوا حداً فاصل وصفحة جديدة وصورة باقيه تلازم صورة المسلمين والإسلام في أذهان العالم فكانت أحداث سبتمبر, فكان تعريف الإرهاب ملاصق الإسلام المسلمين , وهذا المصطلح المتعارف عليه في الغرب الآن سواء العرب والمسلمين وافقوا عليه أم لا.
واذا كان الإعلام العربي الأعرج قداستطاع تغيير نظرة بعض المسلمين بالأفلام والنشرات والبرامج الممله تجاه الإسلامين الذين يعيشون معهم ويعاملونهم ليلاً ونهاراً بأنهم إرهابيون متطرفون, فما بالك بالإعلام الصهيوني مع الغرب الذي يصدق كل شىء واليهود شاطرين أوي بقى في الإقناع لان هدفهم واحد ومعروف, ونجحوا نجاحا باهراً خاصة بعد ضرب أمريكا في سبتمبر , والأحداث التي وقعت للمسلمين في الغرب كثيرة وواضحة دلالة على نجاحهم في هذا, وما حدث لإمام مسجد بأمريكا من قتله وحرقه وفقع عين آخر ,وما حدث لمروة الشربيني ببعيد

।

بن لادن في الباص
صديق لي يحمل جنسية أوربية يركب باص فأشار إليه شاب في العشرينات ( بن لادن معنا في الباص ساخراً) لبشرته السمراء وملامحه العربية ولحيته الخفيفة, فذهب إليه صديقي وصرخ فيه ( أنت مجنون ولا ايه ) فسكت الشاب الأوربي وخاف وسكت واعتذر , فعاتبته ألم يكن الأفضل أن توقفه بطريقة أفضل , فرد علي وقال لو لم أفعل هكذا لانضم إليه باقي الباص وسخروا مني

المقصد من الموقف ان السكوت جريمة في حق أي حد متهم أو حقه مش ظاهر

حتى الصلاة شعار إرهاب
كنت أعمل أنا وزميل لي أوربي مسلم في مكان تجاري , فجاء وقت صلاته الظهر فنادى الأخ الأوربي لنصلي الظهر فبحثنا عن مكان بعيد عن الأعين للصلاة, وبدأنا والحمد لله, وما أن أتممنا ركعة, وجدنا المسئولة عن المكان أمامنا وصرخت بصوت وهي تقول(Terrorists) فقولت في نفسي روحنا في داهية ربنا يستر ونكمل الصلاة قبل ما يقبضوا علينا ,هو صحيح أحنا كنا بنصلي بس وعبد الله صحيح ملتحي بس معتدل هشك في نفسي يعني, المهم الحمد لله الموقف عدى وخلصنا الصلاة , ووجدت عبد الله بياخد الموضوع بسخرية وانه معتاد على هذه المواقف اليومية التي يتعرض لها وقال لي ساخراً هي فكرت أننا سنفجر المكان فقط بالصلاة خاصة يا حبيبي إن المول ليهودي , فقولته بسخرية أكثر إزاي يا عبد الله ما تقولي إنه ليهودي ( ده انا مقاطع يا راجل ) وكمان بنصلي فيه ده حقهم يضربونا بالنووي يا راجل !

أنا في الكنيسة
صديقي مصري يدرس مقارنة أديان في جامعة فيينا ,وكان له تدريب عملي في الكنيسة , عزم علي وقالي ما تيجي معايا ؟ , قولت له ياعمنا عمري مادخلتها في مصر هدخلها في أوربا قالي تجربه وحاجة جديدة تشوفها, ذهبنا والناس رحبوا بنا, وحتى القسيس بتاعهم قال لنا مداعباً السلام عليكم باللغة العربية كترحيب بنا, وخلصوا الصلاة قولت الحمد لله عدت على خير, واحنا خارجين لقينا ثلاث نساء فوق السابعين يستوقفونا. وبيفتحو معنا حوار وقالوا انتم حضرتم معنا الصلاة بتاعتنا , عرفتوا بقى اننا عندنا رب ومش كفار زي ما بتقولوا علينا, قولنا لهم مين يا حاجة الا بيقول الكلام ده بس؟ ,قالوا لنا في نفس واحد بن لادن والمسلمين , فما كان ردنا حتى نخرج من الموقف أنتم عندنا أهل كتاب وأقرب لنا من اليهود و إن زي ما عندكم متطرفون احنا كمان عندنا, وبن لادن مش هو الإسلام ولا كل المسلمين وعدت بسلام بس لم نشعر إنهم اقتنعوا بالكلام بتاعنا لانهم معمولهم غسيل مخ من سنين ومش هنقدر نغير نظرتهم من موقف واحد في دقيقة,

المثل والقدوة
الغرب كشعب لم يجد نموذج ومثل صحيح يمثل الإسلام بصورة صحيحة غير المتعارف عليها من الإعلام ومن بعض المسلمين الذين يعيشون معهم, وللأسف من يعبر بصورة صحيحة قلة قليلة. حتى الملتزمين في أوربا مختلفين في نظرتهم للغرب في المعاملة والحكم عليه كأصحاب ديانات أخرى وعداء بعضهم كشعوب وحكومات غربية للإسلام ومساندتهم للصهيونية.
فين المسلم الصح الا يكون قدوة ويمثل الإسلام في الغرب بصورة صحيحة ومش عايش منعزل ومتعايش مع المجتمع ومش كل حياته في الغرب لمصالحة الشخصية فحسب .

في النهاية عايز أقول ( لا يجب أن نحاسب الآخرين على قوتهم بقدر ما يجب أن نحاسب أنفسنا على ضعفنا في التعبير عن هويتنا وإسلامنا وثقافتنا )

إستهبال ألماني

شد انتباهي أنا وصديقي ونحن جالسون على أحد الكافيهات خبر على جميع الصحف اليومية النمساوية, بيقول الخبر الشرطة قتلت أمس صبياً نمساوي في الرابعة عشر من عمره لهجومه على أحد محلات التسوق الكبيرة وصديق له في السادسة عشرمن عمره , فحضرت الشرطة في لمح البصر,فقتلت الأول في ثواني معدودة وأصابت الآخر في قدمه بطلق ناري لأنه استسلم, والشرطة الآن مدانة ومتهمة بجريمة بشعة لهذا الحادث المأساوي وجاري التحقيق معها

الشاهد في الموضوع إن أولاً حضور الشرطة في لمح البصر وتم القتل بمسدس كاتم للصوت من خارج مبنى التسوق شوفتوا الإحتراف وبدون إصابة أحد من الناس الموجودين وبدون حدوث أي هلع , وإصابة الآخر لآنه رمى السلاح وانبطح وبرضه ضربوه في رجله

الشاهد التاني بقى وهو المقصود من الكلام إن البوليس النمساوي بالنسبة للبوليس الألماني صفر على الشمال يعني طبعا الألمان أقوى وأكثر إحترافاً

يعني ممكن تقول كده مثلاً زي غفر العمدة عندنا في مصر إلامعاهم بنادق خشب للزينة والسي أي إيه الأمريكي,وده الوصف إلا نقدر نقوله عشان نقرب الصورة فعلاً

لكن في حادثة مروة الشربيني حضر بعد ثمانية عشر طعنة, ويا ريت عمل حاجةإلاو أصاب زوجها الغلبان وهو بيحاول ينقذ زوجته

شوفتوا إستهبال أكتر من كده